放大假開始進入尾聲。
根據朋友介紹，到了一間位於深水埗的美容院陪她做護理。
最後我就被騙了幾百蚊。
那是一間十分強國格局的「專業」」修眉、袪斑美容店，位於深水埗，全店佈置只有一堆堆的文字，寫的不外乎「39年專業修眉」「秋x 姑娘專業巧手」「修眉改運」，並有大量前後對比圖片。
老實說，這是一間以中學生level的美容技術，郤當自己是高深國學大師自居，而且十分自我感覺良好的取巧美容院。店舖能夠生存到今天，應該是因為那「全情投入」的銷售技巧。
店內氣氛十分具有「星級美容師」包裝，枱上放滿大堆月餅空盒，說是客戶送來感謝「秋x姑娘」救了他們人生的禮物，軟性暗示自己有幾勁，大把客。牆上掛滿吹奏自己有幾勁的文字，明示hardsell 自己技術同經驗高強，勁誇張!
那天客人十分爆滿，不過當中有多少人是媒，我不敢確定。入去第一眼是一排排椅子，約廿人坐滿，像診所的等待區，椅子對面就是幾張獨立椅子(修眉區)，美容師就是這樣公開地「表演」修眉，所有等待的人無可避免地看她們表演。一對眉，居然由三四個職員去修!
她們一邊「表演」修眉，一邊拉住其他客人近距離觀賞佢地修眉幾咁有技巧，幾咁靚，仲即刻拿出之前的舊相片即場對比，佢地分別有幾大。做為客人，真係幾無奈。(真正的有自信，需要咁hardsell 嗎?)
陪朋友等待洗臉的幾小時內，有小朋友拿住一盒蛋糕進入店內，第一句就當所有客人面前多「多謝秋x姑娘，呢d 蛋糕請你食ga!!」然後溫情地與那個姑娘談話，那個姑娘當然又推那個小妹妹向所有觀眾面前參觀一下妹妹的眉修得有幾好，面相有幾有褔氣，小妹妹公關技巧一流。hardsell到無話可說。
說話說我朋友向來是個勇於做美容白老鼠的美容達人。
她做了除斑治療，以藥膏點在臉上的斑，然後結焦後會成功除斑。我一心諗住黎除斑，因為呢樣野困擾我好耐。
陪佢等個幾個鍾內不斷被暗示，前後拉左三四個熟客同我地演示，佢地之前係點之後係點。最後我被說服了先做一次「四寶facial」再看看如何除斑。「四寶」即除黑眼圈，去斑，去黃，修眉，共700幾蚊。而單做修眉就要近300蚊。好似好抵喎。其實出面bobbi brown個d都要幾百蚊，我都做過d幾百蚊既facial, 唔覺唔覺就做左呢個錯誤決定。
問佢有無facial包咩的list，佢笑笑口話「咪係除黑眼圈，去斑，去黃，修眉囉!」所謂的facial簡直不知所謂，然後求其搵個師奶用按摩cream係我塊面捽幾下就算，無針清無按摩乜差都無，d cream仲係咁推入我個鼻內，最後再用d浸左草藥味既水沾化粧棉放係面就係facial (係咁滴落個身同頸到), 仲cheap過自己係屋企full mask!!!到呢一刻我就知領野..當然我塊面無爛已經好開心。.見到佢地d笑臉我就知佢地嘲笑緊我，己經入左火坑走唔甩，只想快快走人...
求其同我full左d綠色水之後，仲要我自己去洗面，再等修眉，先後有4個呀姐執我眉，都係坐係「表演區」俾佢地修，修黎修去都係拔我d雜毛。
其實我一向做開facial 修開眉，佢就話同我修開眉個個修得差，又話我眉彎命苦，要幫我設計條「幸褔女人眉」。但佢所謂的設計眉形只係修番條眉直少少，係咁多! 我平時做完facial都可以亮晶晶白雪雪咁走，呢到做完ｆａｃｉａｌ皮膚少少都無改善過, 仲係黃同有斑黑眼圈 , 唉....7舊水....
最後就係要個「秋x姑娘」係咁修，其實我都唔知佢修左乜，因為完全無眉毛被拔的感覺，佢d手勢似剪髮佬幫人飛髮，台型十分足，做show味濃。仲幫我刮面喎，我真係好驚佢拿d之前用過的刮刀刮我的臉，因為用過既刮刀同(好似)未用過的係放埋一齊!好彩佢係我面前除左個刀套(應該係新的)的刮刀，唔係我實同佢死過。
最後佢把口先係最有意思，自信十足咁講到佢地技巧天上有地下無咁，仲好串tim,做sale真係皇者級，亦係佢可以做到而家的原因。 呢時候我只想快d走。完左之後想快d閃，佢地仲想sale我買佢d咩套餐咭喎，哈，多謝晒! 佢地見我咩都唔join 就想走都佑知咩事，最尾仲要捉我做最後利用，臨走個下對住所有人指住我話「佢第一次黎就修到咁靚喇!」
痴撚線，我本身就係咁下既樣喇!抽水到佢咁!唔整爛我個樣已經謝天謝地。
總括而言，呢間野大陸格局，以極度傳銷氣氛，大量運用暗示明示而生存。佢地所謂的專業技巧，只係師奶level(也不如)，郤以大師級自居，專業級收費。犯法就唔知，取巧就一定! 店內應該有一半係媒， 大家要小心呢個「x 瑩姑娘」，間野係深水埗，地舖黎ga!
知識
